Teesdale

Teesdale
dal
Land	England
Fylke	North Yorkshire, County Durham
Teesdale 54°32′42″N 1°55′37″W / 54.545°N 1.927°W / 54.545; -1.927
Wikimedia Commons: Teesdale

Teesdale er eit dalføre i Nord-England. Dalen ligg i nedslagsfeltet til elva Tees, og dei fleste vasstraumane her kjem frå eller samlar seg inn i denne elva, til dømes Skerne og Leven.

Øvre eller Upper Teesdale, ofte berre kalla Teesdale, ligg mellom Durham Dales og Yorkshire Dales. Store delar av Upper Teesdale er omfatta av North Pennines AONB (Area of Outstanding Natural Beauty) - det nest største slike området i England og Wales.^[1] Tees har utspring under Cross Fell, den høgaste åsen i Penninane på 2 930 fot (890 m) , og den øvste delen av dalen er høgtliggande og aude. Det lokale klimaet her er klassifisert som subarktisk, og til tider ligg det snø på Cross Fell i juni (det er eit skitrekk her ved Yad Moss).^[2][3]

Nedre eller Lower Teesdale har blanda urbane (Tees Valley eller Teesside) og landlege område (Cleveland). Roseberry Topping er ein kjenneleg ås på søraustsida av dalen. Denne og andre tilstøytande åsar dannar den nordlege enden av North York Moors.

1. ↑ «Great country walks: Cross Fell, Pennine Hills, Cumbria». The Guardian. 26. januar 2015. Henta 15. februar 2017. 
2. ↑ «North Pennines AONB». Arkivert frå originalen 7. mars 2017. Henta 15. februar 2017. 
3. ↑ Gilbert, Joe (27 December 1997). «Skiing: Yad Moss: the St Moritz of the north». The Independent. Arkivert frå originalen 26. mai 2022. Henta 15. februar 2017.